SoilCredit “Startup School 4” Proqramının Finalına Yüksəldi

SoilCredit “Startup School 4” Proqramının Finalına Yüksəldi SoilCredit startapı İqtisadi İslahatların Təhlili və Kommunikasiya Mərkəzinin Enterprise Azerbaijan portalının təşəbbüsü ilə həyata keçirilən “Startup School 4: Five Continents – 500 Startups” qlobal innovasiya və akselerasiya proqramının final mərhələsinə yüksəlib. “Beş qitə – 500 startap” şüarı ilə həyata keçirilən proqram startapların beynəlxalq innovasiya ekosisteminə inteqrasiyasını, qlobal investorlarla əlaqələrinin genişləndirilməsini və innovativ layihələrin beynəlxalq bazarlara çıxış imkanlarının artırılmasını hədəfləyir. Yaşıl texnologiyalar və dayanıqlı inkişaf istiqamətində fəaliyyət göstərən SoilCredit torpaq resurslarından səmərəli istifadəni təşviq edən, süni intellekt və peyk məlumatları vasitəsilə torpaq sahələrinin karbon udma potensialının qiymətləndirilməsini hədəfləyən innovativ platformadır. Layihə torpaq mülkiyyətçiləri üçün potensial gəlir imkanları yaratmağı və şirkətlərin ekoloji dayanıqlılıq məqsədlərini dəstəkləməyi qarşısına məqsəd qoyur. Proqramın final mərhələsinə yüksəlmək SoilCredit üçün layihənin inkişafı, innovativ həllərin təkmilləşdirilməsi və beynəlxalq startap ekosistemi ilə əlaqələrin genişləndirilməsi baxımından mühüm addımdır. Proqramın yekun tədbiri olan Demo Day-in 31 oktyabr 2026-cı il tarixində SABAH.city-də keçirilməsi nəzərdə tutulur. Tədbir startaplara öz layihələrini təqdim etmək və innovasiya ekosisteminin iştirakçıları ilə əlaqələr qurmaq imkanı yaradacaq. SoilCredit komandası bu uğuru dayanıqlı gələcək, yaşıl innovasiyalar və texnologiya əsaslı ekoloji həllər istiqamətində fəaliyyətinin növbəti mərhələsi kimi qiymətləndirir. SoilCredit — Soil to Credit, Credit to Future.